مع كل جناح حمام

ا

الغلابة

الغلابة تعبانين   فى  الدنيا دية

شقيانين ومش لاقين  فيها حنية

كل لقمة وشربة ماية جاية بالعذاب والكد

والحياة لو عايشنها صعبة ويدوب ع الاد

واللقمة مخبوزة بالمر   ومعجونة بدموع العين مليانة بالقسي والهم      مرة  بطعم  السنين

من وجعهم لما يناموا بيتغطوا بدموعهم

ومهما تعبوا وقالوا اة مين بس سامعهم

عشان غلابة والغلبان لازم يداس

لا بيتراعى ليهم خاطر ولا احساس

زى السواقى ديما دايرة  وبتسقى  غيرهم

وقلوبهم عطشانة فرحة ومليانة بس بتعبهم ناس بسيطة وطيبة  واقل حاجة تفرحهم وقلوبهم ماليانة بالخير لكن ماحد مريحهم

اة م الوجع  اة م الشقا  والحرمان

اة م الهم ومن كسرة نفس الغلبان

طيبين ومخلصين   لكن الدنيا  جاية عليهم

وتعبانين مابيرتحوش  والحزن باين ف عنيهم

انت لوحدك يا رب اللى حاسس بالغلبان

ومفيش غيرك يارب عندك كل الحنان