ايام وكلام أشرف صالح / شعر عامى مصرى وقصائد يومية

  اية مساكتك     اية مسكتك والشوق باين فى عنيك اية مسكتك كلمنى دنا روحى فيك قولى كلمة هاقولك كلام وهاسمعك احلى الكلام دنا شوقى زيك واكتر كمان وانت ساكت اتكلم حرام     شوف عنيا يا نور عنيا بتقولك بحبك وانت عارف وباين عليا انى بحبك وانت  برضوا لسة ساكت الشوق ماليك وبرضوا ساكت ساكت لية مستنى اية حرام عليك دى قلوبنا دابت     كل نبضة جوة قلبى عشقاك ياروحى وهى كلمة بس قولها ورد روحى وحياة عنيك يا حبيبى قولها باى لون او شكل قولها قولها وريحنى وبلاش تتعبنى ولا مستنى انا اللى اقولها      ...

من بنها       الراجل دة يا ناس ***هاتجنن منة خلاص        ديما عامل من بنها   حطيت لة لاحمر واخضر**وقميص النوم معطر         نام وعمل من بنها   نيمت لة العيال**والجو   عال العال       نام وعمل من بنها   روقت لة المكان ***ولبست لة العريان          نام وعمل من بنها   حمرت لة الارنبة***وفرشت لة المرتبة       نام وعمل من بنها   حنيت لة ايدى ورجلى***وكويت وفردت شعرى         نام وعمل من بنها   غديتة مية مية***والعشا حمام فى صنية      نام...

سبحان المعبود     انتى لوحدك ماتعملش منك غير نسخة واحدة مالكيش مثيل ولا حتى بديل فى اى حتة     توهنى حسنك فى بحر عشقك ولا عارف ارسى اتارينى كنت عمرى ما شوفت قبلك انثى     م العود يا ويلى نهارى ليللى من يوم ماشوفتك لخبطى كيانى شكلك سحرانى وذنبى فى رقبتك     لو قولت عنك احتار فى وصفك ولا القى لوصفك جمال حيرتى عقلى تعبتينى كلى انتى حقيقة ولا خيال     ابصم بالعشرة ليكى يا قمرة الحسن جمبك مالوش وجود لا ف الجمال ولا ف الدلال انتى كدة سبحان المعبود

الاصل غالى     لو كل بيبان الدنيا اتقفلت الا بابكم اجوع واكلها بدقة ولا اخبط يوم على بابكم لو انزف دم وريدى ما اقول للكلب يا سيدى ولايمكن امد ايدى خليكوا بقى على ناركم     مش كبر دى عزة نفس واصل اتربيت علية لا اطاطى فى يوم لواطى ولا ذل هارضى بية اموت و عمرى  ما اطاطى ولا اعمل قيمة لواطى لو كان فى ايدة حياتى هافضل عالى علية     الاصل سعرة غالى مايتقدرش بمال وابن الاصول اصيل حتى الزمن لو مال فى ساحة الزمن خيالة رجالة ولاد رجالة لا نحب كتر قوالة ولا نعرف الاندال

  ندمتنى     مش انت اللى اندم علية ولا انت اللى احزن علية دة انت ياما تعبتنى وعلى حبى ليك ندمتنى انت كنت عذاب وداء وجراح دواها  فراق والنهاردة فى يوم فراقنا بتولد تانى من جديد     ازاى قدرت اتحملك وارضى بعذابى وقسوتك وكل ذكرى معاك الم شايلها قلبى اللى اتظلم لكن النهاردة هاينتهى عذابى واسمك هايتنسي والنهاردة فى يوم فراقنا بتولد تانى من جديد

  ماتسألوش عليا     ماتسألوش عليا **مايهمنيش سؤالكم مالقتش راحة ليا**غير فى البعد عنكم بيعوا وانا برضوا بايع وهجرتكم مش راجع شوفت معاكوا عذاب الدنيا كل ثانية فيها مواجع     مرار الدنيا كلة**شهد جمب مراركم وعذاب الدنيا كلة** يبكى من قسوتكم يا بشر من غير قلوب يا بشر وكلة عيوب لو صخر الدنيا عاشركم يتألم   منكم ويدوب     لو فرحت بتزعلوا**كأنى خدت الفرح منكم ولو اتجرحت بتشمتوا**ودة كلة باين ف عيونكم مالكم يا ناس ومالى سبونى حبة ف حالى كفاية اللى شوفتة منكم ايام وسنين وليالى