ايام وكلام أشرف صالح / شعر عامى مصرى وقصائد يومية

خلى بالك منى    مش طايق حضرتك خليك بعيد عنى     احسن هاسفلتك هاقطعلك مية ونور   والمرة الجاية ازالة ابعد عنى وغور     مابحبش الرزالة ابعد عنى احسن لك   مش طايق تقل دمك شكلك عبيط ومبعتر   وعايز اللى يلمك هاقل منك صح    وهاعمل منك فرجة واخرك معايا اعتبرة     انذار شديد اللهجة كلمات اشرف صالح

يا ال بيت النبى انتم مرادى ومقصدى يا نور من نور النبى نوركم الهى   محمدى بسلم عليكم واترضى والطهر منكم يتوضى مسكين وواقف على بابكم ماتحرمونيش   المودة من غيركم اتوة واضل واعيش فى غربة وجهل فى رحابكم خير الخير وفى بعادكم خزى وذل يا رب بالقرأن ومحمد صلى ع النبى محمد وال البيت طهر الطهر واجعلنى بيهم مؤيد كلمات اشرف صالح

احببت شخصك ولم اراك فكيف وان رأيتك واعشق دوما سماع حديثك فكيف وان سمعتك وبهدى كلامك اهتدى فكيف وان حاورتك واذوب فى عطر سيرتك فكيف وان جالستك انت الذى اتمنى وجودة فكيف وان وجدتك واملى الصلاة فى مسجدك فكيف وان اتيتك وعلى الآيمان قد بايعتك فكيف وان حالفتك اشعر بك دوما رحيما فكيف وان عانقتك واصلى عليك واتحدث عنك فكيف وان خالتطك واعشق السير على خطاك فكيف وان ماشيتك وهبت نفسى لمحبيك خادما فكيف وان خادمتك وحلمى دوما القرب منك فكيف وان جاورتك واقصى املى مس ثيابك فكيف وان ماسستك اللحظة فى قربك نعيم فكيف وان لازمتك احدث الناس عنك عاشقا فكيف وان حدثتك واسئل الناس عن احاديثك فكيف وان سئلتك وكم اتمنى رؤياك فكيف وان رأيتك يا من يعطر العطور فكيف وان شاممتك هذا حديثى اليك منى حمدا لله ان ناجيتك

كفاية معاصى كفاية ذنوب ماليت دفترك ارجع وتوب وبلاش ذنوب بحذرك ليك كتاب ويوم حساب بفكرك اعمل خير هاتلقى خير   مستنظرك ارجع هاتلقى رب كريم فاتحلك باب العفو رحيم ارجع لرب حنون مشتاقلك خالق الجنة عشان بيحبك بس روح لة ماتتأخرش قبل ما تندم وما تلحقش ليل نهار بابة مفتوح مستنيك بس انت تروح بدمعة واحدة منك يغفر كل ذنوبك وكمان يستر اتقدم خطوة تلاقى خطوات هو الرحمن غافر الزلات روح لة وابكى قوام على بابة تدخل على طول من باب احبابة وابدء جديد بصفحة بيضة هاتعيش عمرك كلة سعادة بس انت توب وبلاش ذنوب ربك حبيبك مستنظرك

  اخرتها اية يا عاصى اخرتها اية لسة ماشبعتش معاصى هو انت اية اسئل نفسك رايح فين فوق واعرف بتعصى مين بتعصى اللى خيرة مغرقك بتعصى اللى هو بيرزقك ياة ع القسوة والجحود ياة ع القلوب السود شوف ربك بكرمة ادالك اية وانت بنعمة بتعمل اية عاصى وبتطلب منة الستر وصعب عليك تطاوعة فى امر وهو بكرمة صابر عليك وبتطلب منة وبيديك اية اللى عاجبك فى الذنوب لية مش ناوى منها تتوب لو مش ناوى ماتكلش رزقة واهجر واترك نعمة ومولكة وان رضيت بغضبة عليك بكرة بنارة يعذب فيك يوم الوجوة ماتبقى سود والجاحد نادم على الجحود

  انا لسىة مانتهتش   ونفسى ما تقطعش    ولا شئ عليا بعيد وبكرة الفشل وبعشق الامل وعزمتى صخر وحديد طول ما النفس موجود طموحى مالهش حدود ولا   بعرف   مستحيل بدوس ع الصعب واعدى ولايخوفنى تحدى كتير كان   ولا   قليل لا بتعب ولا بضعف ولا يأس يقدر يعرف يتملك   لحظة    منى ديما ثابت مكانى ولا بتهز ثوانى والكل مستغربنى اصلى مابتهزمش واستسلام معرفش مخلوق وطبعى   كدة ويا الصعب بكابر وانحت في الصخر واعافر ولا ارخص لدة ودة

يا حلو يا واد يا مسكر ياورد بلدى معطر نظرة وانت معدى وبلاش يا واد تتمنظر قلبى راح لك وسابنى وعشان بهواك تاعبنى ولا اكمنك يعنى حلو وشهد مكرر سمعنى منك كلمة طيب حن عليا بنظرة خلى ف قلبك رحمة يا فل ومسك وعنبر

رايحة وجاية عليا وعنيكى فى عنيا وعاملة مش شيفانى الحجر حس بيا الرحمة يا مفترية ياللى مغلبانى فجأة حبك هاجمنى حاصرنى واستعمرنى ماقاومتش لحظة واحدة بنظرة سلمت ليكى   الرحمة لا اشتكيكى فى الأمم المتحدة هاعملك شغل التنطيط   وامشيلك ع الحيط ماانتى خلاص فى دماغى ناوية على اية قوليلى اروحلك ولا تجيلى شكلك هاتجيبى داغى

طمن قلبك يا حبيبى وبلاش فيا تشك كدة تزعلنى منك واعملك فى قلبى بلوك خليك هادى وحنين كتر الغيرة يجنن طمن قلبك طمن لا اروح منك وافك واعملك فى قلبى بلوك هواك على قلبى مسيطر دة حاكم وبيتحكم عمرى فى هجرك ماقدر وبلاش فيا تظلم روق خلينى رايق لك وحياتك عندى بحبك لا اروح منك وافك واعملك فى قلبى بلوك من يومك وانت حبيبى وفى قلبى مالى مكانك مفيش بعدك حبيبى ولاغيرك ياخد مكانك لا اروح منك وافك واعملك فى قلبى بلوك كلمات اشرف صالح

مراتى بتلعب ملاكمة وحريفة ضرب الدماغ اما الجودو والمصارعة بتلعبهم وقت الفراغ بتاكل حلة من اللحمة وبتلعب كراتية وحديد وبتاكل الفرخة فى لقمة وتقولى هل من مزيد بتتنى الحديد بأديها وبتكسر خشب سيف يد وتحمر على طول فى عنيها وبتهبد فى الحيطة هبد عليها شخطة بتزلزل ودرعها كلة عضلات الطمى عليا يا مة دى ناوية تربى شنبات كلمات اشرف صالح

اهل الدنيا قاسية قلوبهم من دم الناس عملوا   فلوسهم ومن وجع الناس بنوا ابراجهم والدنيا تجوع الا بطونهم اهل الدنيا قافشين فيها عايزين ياخدوا كل ما فيها حلال حرام مش فارقة معاهم اما الاخرة زاهدين فيها اهل الدنيا بيفرحوا بيها بيحبوها ويخافوا عليها رصيدهم زاد من الم الناس وجشعهم نار ربنا يطفيها اهل الدنيا بيها اتغروا واللى اتغروا بيها اضروا هايموتوا ويمشوا سايبين فلوسهم وعلى جشعهم لازم يتحاسبوا المقصود هنا بأهل الدنيا كل تاجر جشع يستغل ازمات الناس لجنى الاموال ولا يعرف الرحمة ولا يعمل حساب ليوم الحساب اصحاب القلوب الميتة اهل الدنيا هم اهل الظلم    اهل الجشع   اهل اكل حقوق الناس بالباطل هم اهل الباطل نفسة اللذين جمعوا اموالهم من سفك الدماء    ومن الاتجار بالالم ومواجع الناس بل بالاتجار بالبشر انفسهم ...

قاعد فى البيت عواطلى مش لاقى يا خلق شغل نفسى فى شغلانة حلوة شغلانة زى الفل مرتب حلو عالى والقبض بالدولارات ويبقى جمب البيت وماركبش موصلات اروح القى فطارى لحمة راس وطرشى وشاى وقهوة وفاكهة واتغدى قبل ما امشى والمكتب فية سرير ع البحر ويبقى مكيف و سكرتيرة مزة وكل يوم اصيف جمعة وسبت اجازة تلت ساعات فى اليوم اول ساعة راحة وبقيت الوقت نوم