مع كل جناح حمام

اهل الدنيا قاسية قلوبهم

من دم الناس عملوا  فلوسهم

ومن وجع الناس بنوا ابراجهم

والدنيا تجوع الا بطونهم

اهل الدنيا قافشين فيها

عايزين ياخدوا كل ما فيها

حلال حرام مش فارقة معاهم

اما الاخرة زاهدين فيها

اهل الدنيا بيفرحوا بيها

بيحبوها ويخافوا عليها

رصيدهم زاد من الم الناس

وجشعهم نار ربنا يطفيها

اهل الدنيا بيها اتغروا

واللى اتغروا بيها اضروا

هايموتوا ويمشوا سايبين فلوسهم

وعلى جشعهم لازم يتحاسبوا

المقصود هنا بأهل الدنيا كل تاجر جشع يستغل ازمات الناس لجنى الاموال ولا يعرف الرحمة ولا يعمل حساب ليوم الحساب اصحاب القلوب الميتة اهل الدنيا هم اهل الظلم   اهل الجشع  اهل اكل حقوق الناس بالباطل هم اهل الباطل نفسة اللذين جمعوا اموالهم من سفك الدماء   ومن الاتجار بالالم ومواجع الناس بل بالاتجار بالبشر انفسهم  اهل الدنيا اللذين يجمعون ثرواتهم  من الدم والدموع وتعذيب الناس واستغلالهم اهل الدنيا هم اللذين يتاجرون بأعراض الناس سواء بالخطف او الاغواء والاغراء ليجمعوا الاموال الحرام القذرة اهل الدنيا الناس اللى ماتعرفش ربنا  اللى بتقول الجنية مش مكتوب علية حلال ولا حرام يبقى اجيبة من اى طريق اوسكة  مادام مش مكتوب علية حلال ولا حرام اهل الدنيا اللى بيحللوا كل حاجة على مزاجهم كانهم معاهم التوكيل الرسمى لدين الله لارضاء انفسهم المريضة اهل الدنيا اللى عايزين يعيشوا لوحدهم يتمتعوا بكل متع الحياة لا يرحمون مسكين ولايرحمون فقير ولايرحمون ضعيف شايفين الناس عبيد عندهم  شايفين ان الناس ربنا خلقها لخدمتهم فقط اهل الدنيا هم اهل الاستكبار والاستعلاء على خلق الله المساكين والفقراء والضعفاء فاينظرون للفقراء والمساكين من اعلى الى اسفل كأنهم نصبوا انفسهم والعياذ بالله الهة لتوزيع الارزاق بين العباد  ولو قدروا يتحكمون فى الهواء لااستحوذوا علية وباعوة للناس لجنى الاموال والارباح التى يعشقونها  لماذا  لمتعهم  الحرام وحياتهم الحرام وكأن الحياة قد خلقت لهم وحدهم والناس قد خلقهم الله لخدمتهم والسهر على راحتهم اهل الدنيا لا يرون غير الدنيا يا اهل الدنيا انتم ذاهبون والدنيا ذاهبة كلمة اخيرة لوجة الله حاسبوا انفسكم قبل ان تحاسبوا