ايام وكلام أشرف صالح / شعر عامى مصرى وقصائد يومية

  ماتعودتش       ماتعودتش القسوة منك** بكلمة او حتى نظرة ماتعودتش ابكى منك** جبت منين بس القسوة           لآ وحياتك ياللى بحبك        عمرى ماشوفت القسوة منك       يا مبكى عيونى** اخلف ظنونى            ورجعنا لآيامنا  الحلوة     حبيبى ارجع  زى ما كنت** من قسوتك حرام تعبت لو زعلان منى سامحنى  **  وانا وحياتك خلاص حرمت     فى بعادك لا بغمض عين** ولا احسب روحى م العايشين واسئل نفسى عليك يا حبيبى** واقول حبيب عمرى فين  

كسرت نفسى   كسرت نفسى ** وكنت فاكرك عزوتى وسندى ووجعت قلبى** ودوست عليا كسرت ضهرى   وفجأتنى * بوش عمرى ما شوفتة منك ومهما تعمل* هاعمل اية * لازم اسامحك   جتلك وفاكر الشهد عندك* لقيت كل كاساتك  مر واتصدمت لما شوفتك* وانت بتفرش عمرى جمر   وقفلت بابك * وانا كنت ضعيف قوى ومحتاجلك لكن هانسى * يمكن تندم  وترجع  تلقى بابى مفتوحلك   وهابلع دموعى * ولادمعة تنزل يوم على خدى وهاضحك وادارى* ولا حد يشوفنى ابدا ببكى   زى السواقى يا زمن * بتاخدنا وبتلف بينا وما بترحمش يا زمن * بتعلى وبتوطى فينا   بتقرب حبايب **وبتبعد حبايب وياما هانشوف ** منك عجايب    

  فين الطيبين     فين يا دنيا الطيبين **مش لاقيهم هما فين راحوا وسابوا الدنيا فاضية**للكدابين والغدارين فين يا دنيا حلو البشر نفسى اشوف ليهم اثر ولا سوقهم ولى وجبر وراح زمان الطيبين     اشتقنالهم والله يا دنيا** حبايبنا بتوع زمان اللى كانوا بيحلوا الدنيا** وبيملوها علينا حنان ابكى يا عين بحرقة عليهم مش لاقين تراب رجليهم مين يا يا دنيا ياخدنا ليهم من يوم مارحوا مفيش امان     فضيتى يا دنيا ومرارتى**والحلو فيكى شيئ نادر لا فيكى حد بنشتاق لة **ولا قلب طيب يتعاشر واهى ايام بنقضيها ما فيكى حاجة تحليها حتى الفرحة بتاخديها والحزن فيكى مالوش اخر  

  ادعولى لما اموت     ادعولى لما اموت ** دعوة من قلوبكم دعوة بنية صافية ** سامحونى وانا مسامحكم     الدنيا لو نعرفها ** نلاقيها وهم كبير غرورة وبتخدعنا ** وشوكها فاكرينة حرير   اول ماجينا فيها **جينا بفرحة وزفة ومسيرنا يوم هانسيبها**وهانخرج منها ف لفة   ادعولى دعوة حلوة ** اكيد فى يوم هاحتاجها فى سكة لازم امشيها **   معرفش اية نهايتها     فيها بقى يستاهل ** نعادى بعض عشانها وزى ما جينا فيها **برضوا هانخرج منها