ايام وكلام أشرف صالح / شعر عامى مصرى وقصائد يومية

الدنيا دى اشكال والوان من الناس ناس بأخلاقها ملايكة ما تقولش عليها ناس قلوبها شمس منورة بالحب والاخلاص تقدم خيرها لغيرها وتقولك الناس للناس وتجوع فرحانة من قلبها لاجل ماتشبع الناس دول ولاد الاصول والرك على الاساس وفى ناس يا ناس لذتها فى اذى الناس لاتهدى ولاتنام لو شافت نعمة على الناس وعنيها دايما طالعة على اللى عند الناس وان قدرت ماتعفى لو اتحكمت فى الناس وفى ناس مش حاسة بالنعمة قلوبها منزوعة الرحمة وفى ناس بتحمد على اللقمة وسعادتها فى الكلمة الحلوة وفى ناس بتدارى فى مواجعها بتضحك وهى بتشرب فى دموعها وفى ناس ظالمة وكدابة لا راحمة ضعيف ولا غلابة وناس تخاف ماتختشيش عايزة هى بس تعيش وناس عايشة ما حد شايفها عايزة الحنان يقولولها مفيش اَلْحَمْدُ لِلَّهِ الَّذِي لَمْ يُشْهِدْ أَحَدَاً حِينَ فَطَرَ السَّمواتِ وَالأَرْضَ، وَلاَ اتَّخَذَ مُعِيناً حِينَ بَرَأَ النَّسَماتِ. لَمْ يُشارَكْ فِي ...