ايام وكلام أشرف صالح / شعر عامى مصرى وقصائد يومية

  الشكاين     الناس الشكاين**وجعين على طول دماغنا عن حالهم مش راضين*واحنا بس مالنا راكبين فوق ودانا والزن مش سايبنا واللى يقولوة يعدوة لحد ماتخنقنا     بتشكوا مين لمين*يا عالم مش كدا ارضوا وقولوا امين*راحتكم فى الرضا جبتولنا معاكوا الهم ولاناقص حرقة دم وكلامكم مش مهم احنا مالنا بكل دة     ماتطلعوش احزانكم*وتيجوا ترشوها علينا فينا اللى اكتر منكم*وزايد ومكفينا ماتروحوا عنا بشكوتكم مش هانسمع تانى منكم على الله حكايتكم وسيبونا باللى فينا

مشكلتكم     مشكلتكم انى فاهمكم*وعارفكم اكتر منكم وبعمل معرفش حاجة*وبكبر دماغى وسايبكم   بشوفكم بضحك فى وشوشكم*وانا عارف اية نيتكم فاكرين روحكم شطار*وانا اللى بستغفلكم   بقراكم من نص نظرة*ماكتير عليكم نظرة وبطنش كتير واعدى*وبقول ماهش مستهلة   بمزاجى بلعب معاكم*وبسيبكم على عماكم كام بير حفرتوهولى*ووقعتوا فية بأذاكم   بتبيعوا واشترى منكم*ومفتح قوى وصاحلكم وعنيا فى وسط راسى*وبقيد وبعدلكم   هاصبر والصبر طيب*وانا برضوا معاكوا طيب لكن يوم ما هازعل*مش هاتشوفوا الوش الطيب

  مش رخيص     انا مش رخيص**ولا بيتقل منى معايا ولا مفيش**محدش احسن منى   سلطان زمانى بكرامتى*وباخد حقى وقتى ولو بموت واتقطع*محدش يعرف وجعتى   لو حال الدنيا مال*وميزان الناس بالمال تحلى اللقمة  بدقة*ولا اعدى ع الاندال   لو كان الحق حقى*معرفش ابلع واعدى لو ساب السبع حقة*انا مابسبش حقى   اسمى مكتوب بالنور*فى بورصة الرجولة لا اعرف حد لمصلحتى*ولا اكل لقمة مزلولة   وبعامل اى حد*معاملة ند لند واحب الكل لكن*لكل واحد حد

  على باب رسول الله     على باب رسول الله *مذنب واقف ع الباب مدد يا رسول الله*ملهوف لفتح الباب   راح منى يا سيدى الصبر*منايا يا سيدى اشوفك وازورك فى المدينة   *واكون خدام ضيوفك   على بابك بدموع ندمى *ندمان على كل ذنوبى يا رسول الله اغثنى *مريض وانت طبيبى   يا رسول الله محمد* يا خير خلق الله ماتردنيش مطرود* واقبلنى لاجل الله   على بابك شوقى مالينى*ارضى عنى وافتح لى اة يا حبيب الله *لو اشوفك بتبتسم لى   على بابك وماليش غيرة*حبيبى يا رسول الله ماهو اللى يجى من بابك*هايدخل باب الله   مسكين على باب حضرتك*بقبل الاعتاب انا مذنب من امتك*نجينى من العذاب   يا سيدى وسيد الكون*يا رحمة للعالمين ...

  ماتلموش الناس     ماتلموش الناس سيبوا الناس فى حالها كتر هموم الناس تعبها وحنى   عودها كلة بيتقطع على رزقة وماشي بيكلم نفسة والدنيا   اتقلت   بركتها والهم بيجى ورا بعضة     محدش عندة وقت يفكر حبة ف نفسة شغلاة الدنيا برزقة وناسى حتى نفسة اللى نفسة يشوف اخوة ولا يروح لامة وابوة لكن الدنيا تاعبة الناس والتعبان اوعوا تحسبوة     الدنيا صخر وحجارة والرزق فيها مش ساهل واللقمة فيها بمرارة   وحرمة الاهل تتقابل كلة داير فى الساقية وعيشتة فيها بالعافية الله يكون فى عون الناس تعبانة فى الدنيا وتايهة

  الفلوس     معايش فلوس ومفيش فلوس محدش يطلب منى فلوس الصبح فلوس بليل فلوس كلة عايز منى   فلوس   رايح بفلوس راجع بفلوس كل حاجة بقت بفلوس خايف اقول لحد ازيك القى الرد عليها   بفلوس   جوة البيت وبرة البيت ابقاق مفتوحة وسع الغيط وانا مش قادر واتهديت م اللى شوفتة م الفلوس   مالك يا فلوس بس ومالى خايف تكونى نسيتى عنوانى بقالك مدة   مش   فكرانى وطابور الديانة   مرصوص   اهدى يا عم الحاج وهاود ايوى ليك فلوس   وهاتاخد بس راعى ظروفى وساعد وحياتك عندى ماعندى فلوس   عمرى ما قولت مش هاديك ولا هاكل حاجة عليك ...