ايام وكلام أشرف صالح / شعر عامى مصرى وقصائد يومية

علمنى   علمنى اغنيلة*** وانا كنت بغنى علية واصتادنى بشبكتى**استاذ ولا يعلى علية   انا قولت علية غلبان ** وطلعت انا الغشيم قولت فى بحرى هايغرق** غرقنى ابن العويم   ورحت اصتادة صادنى** معرفش ازاى يا عم وعملنى لعبة ف ايدة ** وخدنى فحت   وردم   وقولت هاسهرة ** سهرنى  لبعد الفجر خلانى اعد    نجومة ** لوحدى ف عز الضهر   لآ جامد   ومعلم ** وجوة القلب علم مش كدة يا معلم** قلبى خلاص اتعلم   خدعنى برقتة** قولت  حلو وسهل لكن يا ويلى منة**ف المكر ملهش حل   جبتوا لبحر غرامى**وعملت علية تقلان خدنى  لبحرة هو**ورجعت انا العطشان   جيت اكوية كوانى ** ومشيت على جمره حافى ونارة يا ويلى منها** نار ...

  نفسي     نفسي لكن مش بئديا اخفى ناس كتير حواليا اللى لسانة مش سايبنى واللى عينة على طول عليا   اللى عايش بس لراحتة واللى بيضحك عشان مصلحتة والشغال نقال كلام واللى الناس بتكرة سيرتة   والشكاى   والنمام واللى ع الحقوق بينام اللى بياكل اى حاجة واللى عايش بالحرام   واللى قايدة ديما نارة واللى بيئذى ديما جارة واللى مقاطع اهلة وناسة واللى شاربة الناس مرارة   واللى كلة خبث ولؤم واللى اصطباحتة فقر وشؤم واللى بيحسد على اى حاجة واللى وشة يجيب الهم   والمتنح   والمستلوح واللى دمة تقيل ومأيح اللى لما يروح ويمشى ...

  نفذ رصيدكم     عفوا نفذ رصيدكم *** مالكمش فى قلوبنا رصيد كلة اتسحب منكم***وكلة بخط الآيد سحبتوا من قلبنا***شوقنا وخوفنا عليكم سحبتوا من دمنا*** اى حب ليكم سحبتوا كل حاجة وماسيبتوا اى حاجة يعنى الرصيد اتصفر والصفر مش بيفيد     كل دمعة من عنينا*** كانت سحب من الرصيد كل قسوة منكوا علينا*** برضوا سحب من الرصيد كان ليكم حساب وجارى*** فى القلب مسا وصباح ختوا منة كل حاجة*** وماسيبتوا غير الجراح سحبتوا كل حاجة وماسيبتوا اى حاجة يعنى الرصيد اتصفر والصفر مش بيفيد     جبتوا منين قسوة قلوبكم***شوفتوا اية منا وجرحكم دحنا لوكنا عشنا***ماكنش لينا كان عشانكم بأديكم مش بأدينا***انتهيتوا من حياتنا و...

  هانصفى لمين     هانصفى لمين نيتنا ونفتح قلوبنا لمين والدنيا بقت مليانة افاعى مش بنى ادمين بنحرص ونخون اصلى اتقرصنا كتير واللى شاف م الناس يخاف ويخاف يغمض عين      هانصفى بس لمين وغيرنا مش صافى لنا جوة ف قلبة براكين ونفسة نارة تصيبنا كلة بيهرى وبيغلى وسواد القلب باين قلوب الخير هاجرها مش ممكن يوم تصفى لنا     ياما ناس عملت حبايبنا وكانوا فى سمانا نجوم وهما بيخدعونا ولا صدقوا معانا ف يوم اتخدعنا واتظلمنا وجوة الجرح اتجرحنا يبقى مهما عملنا لاعتاب علينا ولا لوم     لازم...

  الشكاين     الناس الشكاين**وجعين على طول دماغنا عن حالهم مش راضين*واحنا بس مالنا راكبين فوق ودانا والزن مش سايبنا واللى يقولوة يعدوة لحد ماتخنقنا     بتشكوا مين لمين*يا عالم مش كدا ارضوا وقولوا امين*راحتكم فى الرضا جبتولنا معاكوا الهم ولاناقص حرقة دم وكلامكم مش مهم احنا مالنا بكل دة     ماتطلعوش احزانكم*وتيجوا ترشوها علينا فينا اللى اكتر منكم*وزايد ومكفينا ماتروحوا عنا بشكوتكم مش هانسمع تانى منكم على الله حكايتكم وسيبونا باللى فينا