ايام خداعة

لكل بداية نهاية

ولكل واحد يوم

تخلص فية الحكاية

ع المقدر والمقسوم

حياة ومخترنهاش

بالآلم  بنعشها

مفهاش حاجة بلاش

غير بس مواجعها

كل يوم بنفارق فيها

حبابيب عاشوا عمر معانا

راحو وسابولنا الدمع فيها

نبكى فراقهم واحنا  حزانا

بنعيش لاهينا  الامل

سنين وراها  سنين

ناسين نهاية الاجل

وكأننا  دايمين

ايام  خداعة كلها اوهام

بتجرى بينا  مابتهداش

بتمر قوام زى الاحلام

ولما  نصحى ما نلقهاش                                                                                                                                                                       فعلا لكل بداية لابد ان يكون لها نهاية قد تختلف النهايات من حيث الشكل او الوقت او طريقة النهاية ولكن لا اختلاف على يوم سوف تأتى فية النهاية فعلا حياة بنعشها زى الاحلام  بنعيش داخل الاحلام نشوف ونسمع ونتكلم نتمتع او نتعذب  ونفرح ونحزن ولما نقوم من النوم ولا كأننا شوفنا ولا سمعنا ولا اتمتعنا ولا فرحنا ولا حزنا  ولا اى حاجة  هذة هى الحياة لو الواحد قعد يفكر مع نفسة ويحسب عمرة اللى عدى هايلاقى عمرة كلة عدى زى الاحلام ولا كأنة عاش كل هذة الايام  والشهور والسنين بالضبط كأنة كان نايم وصحى من النوم لا يجد شئ  العمر بيجرى اسرع مما نتصور  مر من عمرى 50 سنة نعم 50 سنة عندما اجلس مع نفسى واتذكر ايام زمان ايام الطفولة والصبا والشباب والقوة والنشاط اراها فعلا  كالحلم   ال50 سنة كأنها امبارح   وكأن العمر كلة اتسرق منى وتعرض لسطو مسلح من الزمن  وانا مش واخد بالى ارى كل ايام وسنين عمرى قد تبخرت  وتلاشت  كما يتلاشى  الدخان ولا استطيع ان اعيدة مرة اخرى عمر جرى اسرع من البرق  عشت  وكأننى لم اعيش   لما نبى الله نوح عاش 950 سنة قبل الطوفان والله اعلم كم عاش من السنين بعد الطوفان  لما سئلوة عن الدنيا قال كأنى دخلت بيت  دخلت من باب وخرجت من باب بيقول كدة على  الف سنة او اكتر حياة فعلا خداعة وغدارة المتعلق بها كالمتعلق بسحب الدخان ومن الغريب اننا اتينا الى هذة الدنيا ونحن نبكى  لم نأتى الى هذة الدنيا  ونحن نضحك كأن قلوبنا كانت حاسة من البداية بألم الحياة واللى هانشوفوا فيها فابكينا قبل ان ننطق الكلام بكينا قبل ان نراها بكينا قبل ان نفتح عيوننا لنراها اة من هذة الحياة ومن قسوتها كم فارقنا فيها من الاحباب  كم فارقنا فيها من الاهل والاصحاب  بعد ماكانوا مالين الدنيا علينا راحوا وفاتونا  نبكى فراقهم وبعادهم