الضحكة الصفرا

وفروا الضحكة الصفرا

قولبكم السودا  باينة

اشتغلوا حد  غيرنا

يا تشوفوا شغلانة تانية

عارفنكم اكتر منكم

واضحين ستة على ستة

هاتروحوا فين معانا

دة انتوا فى بحرنا نقطة

ماتمثلوش الحب  علينا

كل دة مايكلش معانا

شدوا اللحاف بقى واتغطوا

دة الزمن  ياما  ورانا

بطلوا تعملوا  حبايبنا

دة انتوا هرسنا هرس

ضحكتكم ماتخلش علينا

دى ضحكة من تحت الضرس

اة يا ناس مش ناس

هم ومكتوب علينا

افاعى  ولابسة  بشر

ربنا منكوا  ينجينا

خليكوا زى ما انتوا

نار بتاكلوا فى بعضكم

الف حمد وشكر يارب

ما خلقناش  زيكم   واحنا زى ما احنا   مبدئنا ثابت وواضح   لابنعرف زيكم نتلون   ولا نعرف غير نسامح