عيد الميلاد

 

عيد ميلاد الما

هل علينا احلى عيد

عيدك يا الما عيد سعيد

شمع وتورتة وورد احمر

وانتى ياالما زى السكر

قولوا يارب تفضل تكبر

ونهنيها فى كل عيد

الما يا روح بابا وماما

عيدك اهو جية بالسلامة

والقمرة ليكى منورة

فرحانة بالما السكرة

حتى الزهور متعطرة

جاية بفرحة وابتسامة

ليلتك سرور ليلتك هنا

بلالين وزينة ملونة

والكل فرحان علشانك

فرحان يا الما بميلادك

يا رب تكتر اعيادك

يا الما يا ساكنة قلبنا

الصبر طيب

يحكى انة كان فى سالف الزمان اخوين  واحد غنى  وواحد فقير

كان الغنى عايش فى قصر فخم مليان خدم وحشم وكل ليلة سهر ومغنى

وطعام مما لذ وطاب حتى الصباح

اما الاخ التانى كان بيكمل عشاة نوم من شدة الفقر

وكان بيسمع اصوات الغناء والمعازف خارجة من قصر اخوة كل ليلة ونفسة

اخوة يعزمة مرة واحد وكان ينظر ويسمع ويتحسر

الحوجة والحظ السيئ

فى يوم تعب الاخ الفقير وكان اسمة سلام وماكنش قادر يشل الحطب اللى بيقطعة ويبيعة

فقترحت   علية زوجتة ان يذهب الى اخوة الغنى يستلف منة حمار يشيل علية الحطب

وبعدين يرجعهولة   تانى

فذهب سلام الى اخوة وكان اسمة عبد الغنى

سلام  انا تعبان يا خويا وجى استلف منك حمار اشيل علي الحطب النهاردة بس

وارجعهولك اخر اليوم

عبدالغنى  انت عارف تمن الحمار كام

سلام  هو انا جى اتجوزة  هما ساعتين وارجعهولك

عبد الغنى  طيب خدة وخلى بالك منة

سلام حاضر  وهاغنيلة  وابقى اسئلة

اخذ سلام الحمار وذهب ليحططب وربط الحمار فى شجرة وذهب ليقطع الحطب

وسلام يقطع الحطب شاهد من بعيد ذئب يهاجم الحمار على بال ما وصل الية

كان الذئب قد قطع ذيل الحمار فرجع سلام الى اخوة بالحمار من غير ديل

وعندما راى عبدالغنى الحمار من غير ديل غضب جدا وقال للاخوة سلام

يا تدفع حق الحمار يا نروح للقاضى

سلام  هو انا لو معايا حق حمار كنت جيت واستلفت منك حاجة

عبدالغنى   خلاص نروح  لقاضى  الكوفة

سلام    اة عشان صاحبك وكرشة واسع ومالو   نروح

وهما فى الطرق  جاع عبدالغنى

عبدالغنى  انا جعان وهادخل اكل فى المطعم دة  معاك فلوس تاكل

ولا تستنانى  فوق سطح المطعم لحد ما اكل

سلام  هاستناك فوق سطح المطعم

سلام المسكين من شدة التعب نام فوق سطح المطعم وهو نايم بيتقلب

من  شدة التعب  وقع من فوق سطح المطعم على ابن صاحب المطعم

كسر لة رجلة  وقامت الدنيا علية وصمم صاحب المطعم يودى

سلام للقاضى

فتدخل عبد الغنى   اخو سلام وقال لصاحب المطعم

تعالى معانا لقاضى القضاة دة صاحبى ونشكية احنا الاتنين

هى ناقصة

وهما ماشين رايحين  للقاضى مروا من فوق جسر عالى وكان تحتة طريق بتمشى الناس

من تحتة اتزحلق سلام من فوق الجسر وقع على شاب وابوة كانوا راكبين على حصان

فمات الرجل ابو الشاب فامسك الشاب برقبة سلام  وقالة مش هاسيبك الا عند القاضى

سلام المسكين قال مابدهاش بقى هى موتة ولا اكتر

فجاب كيس قماش ووضع فية حجر كبير وقال اول ما القاضى

يحكم عليا اخبط دماغى بالحجر واغور فى  ستين داهية

مسكين واللة يا سلام

كلهم عند القاضى

دخلوا جميعا عند القاضى وسلام  ماسك الكيس اللى فية الحجر

وعمال يمرجح فى  الكيس

ظن القاضى ان الكيس بية نقود كثيرة او ذهب فقرر ان يحكم لصالح سلام

نادى القاضى على المشتكى الاول

القاضى اية شكوتك

عبد الغنى حكى قصة الحمار

القاضى حكمنا ان الحمار يفضل عند سلام لحد ما يطلع لة ديل ويرجعهولك

القاضى اللى بعدة

صاحب المطعم حكى حكاية كسر رجل ابنة

القاضى  حكمنا  تطلق مراتك ويتجوزها سلام ولما يخلف منها ولد

يدهولك بدل ابو رجل مكسورة   اللى بعدة

وقف الشاب وحكى حكاية ابوة اللى مات

القاضى حكمنا تطلع فوق الجسر وترمى نفسك على سلام وتموتة

زى ما موت ابوك حكم نهائى رفعت الجلسة

فانصرف الناس والقاضى ينتظر كيس سلام

فاخرج سلام الحجر من الكيس والقى بة وترك القاضى

مذهول وفاتح فمة زى العبيط

واخيرا ذهب جميع المشتكين الى سلام يترجوة  ان يتنازل لهم عن الاحكام

مقابل ياخذ منهم بعض الاموال فوافق سلام وقال

اللى يجى منهم احسن منهم