ايام وكلام أشرف صالح / شعر عامى مصرى وقصائد يومية

  واد انت يا ابيض عسل انت يا ابيض  حلوانت يا ابيض احبك يا ابيض محروس يا واد م العين يا ابو اجمل غمزتين يا زبدة وقشطة بلدى وخدود وشفايف وردى على كيفك ميل وادلع واتقل كمان واتمنع اكمنك حلو وقمراية سايبنا على نار بنولع جمالك حكاية ورواية قمر ملفوف ف عباية والكحل يا ناس هاوسنى وقطر عودك داسنى اة منك اة يا وعدى ياواد يا حلو يا بلدى عملت في قلبى اية بشويش بشويش علية كلك على بعضك عجب يا ابوشعر ضفايرك دهب والوش بدر منور جمال سبحان من صور يا واش يا واد ياواش هاروح منك ببلاش يا مطول ليلى وسهرى سهرت الروح يا عمرى يا حلو يا ابيض احبك يا ابيض يا واد انت يا ابيض بحبك يا ابيض

     اسمر بلون المسك     علم قلبى السهر     ملاك ورقيق   لكنة      مسجل دلع خطر    حن يا اسمر حن    كفاية دلع هاتجن   طب كلمة يوم ويوم    يا شاغلنى كل يوم    عظمتك حضرة جنابك    وارب لى بس بابك     ورينى اى بشاير     اجيلك   عايم طاير   اسمر حبيبى يا اسمر    يا حلو زى السكر    بحلفك بحلاوتك     بلاش م التقل تكتر

  فين امكم     اهى راحت منكم من قسوة قلبكم اهى مشيت   امكم يا ترى هى فين وعاملة دلوقتى اية وكسبتم بس اية فى خسارة امكم مشيت عشان مش لاقية حنان شالت فوق احتمال انسان كانت دموعها زى النار حرقتوها بيها ليل ونهار واهى راحت منكم وعيشوا لوحدكم من غير امكم يا خسارة امكم شالت منكم فوق احتمالها وشافت منكم اللى كسرها شافت كتير معاكوا وتعبت من قسوتكم بعد ما ربت واهى راحت منكم من قسوة قلبكم وعيشوا لوحدكم من غير امكم شربت مراركوا لحد ماشبعت ولا حد قال دى امى تعبت الكل انانى عايش لنفسة كان املها بيها تحسوا واهى راحت منكم وعيشوا لوحدكم من غير امكم يا خسارة امكم

انا كنت فاكرنى محترف فى العشق وليا حكاوى شفتك لقتنى بعترف وبقول دنا لسة هاوى شوفت اللى قبلك عمرى ماشوفتوا وعرفت معنى الحب وعشتوا ولآول مرة بحب بصدق واعرف معنى الهوى والعشق واتارينى ماكنتش عايش قبلك وعمرى ابتدا لحظة ماقبلتك كنتى فين غايبة فين كنتى فى خيالى ومش لاقيكى كنتى فين غايبة سنين وقلبى كان ملهوف عليكى

كل مافتح   صفحة عندى مش لاقى لك صفحة وردى كل ما افتح صفحة الاقى قلبى الطيب عمال يعدى كل صفحة فيها دموعى دموع بترفض ذللى وخضوعى بس قلبى اة منة قلبى هو اللى شايلك بين ضلوعى شعورى معاك احتار واشتكى ساعة فرح وساعة بكى مرة اشوفك مالى حياتى وليالى بحلم بيوم اللقى بجملة جراحك عليا كمل وانا كالعادة هاصبر واتحمل وكل ما قلبى يشكى لى منك هاقولوا اختيارك دة من الاول كلمات اشرف صالح

اتكلم هاسمعك   قوللى مبررك دافع عن نفسك  احكى اللى ف نفسك احكى لى حكايتك  وقول اللى عندك سمعنى صوتك   برر خيانتك ولا اقولك اسكت انت واسمع منى وان ظلمتك ولا كدبت عليك كدبنى كنت تضحك قلبى يضحك كنت بطير م الفرحة عشانك كنت تزعل قلبى يزعل كنت بشيل وياك احزانك كنت ايدك لما تمسح بيها دموعك كنت الشوق اللى بيستنى لحظة رجوعك كنت الحلم اللى اتمنيتة وكنت عشانة بعيش كنت طريق حلو مشيتة واتمنيت ماينتهيش كنت الشمس وجودها منور كل حياتى كنت امبارح والنهاردة وبكرة الآتى اما انا كنت اية قوللى كنت عندك اية اية جانيتوا قوللى علية مهما تقول مش هاسمعك خاين ولازم اودعك خلى ضميرك يوجعك مش هاسمعك

يرضى مين يا حبيبى دة يرضى مين يرضى مين يملى قلوبنا جراح وانين عمر الفراق ما كان لينا ولا كنا لية ماكنش لينا غير هوانا عايشين علية مين كان يقول انا وانت هايجى يوم نتخاصم فية كان مستحيل صبح حقيقة بس لآمتى هانرضى بية ومين كان يصدق ان الفراق ممكن يوم فى يقدر علينا وياخد الفرحة من حياتنا ويزرع شوك وعلية يمشينا رد عليا عاتب فيا لآمتى هانفضل متخاصمين هى قلوبنا دى حاجة سهلة ولا خصامنا دة يرضى مين