ايام وكلام أشرف صالح / شعر عامى مصرى وقصائد يومية

  انهوا الخصام   ماتقفلوش كل البيبان اللى ما بينكم وسيبوا باب يمكن يوم تانى يجمعكم كلة رايح ماتقطعوش حبال وصالكم دى لو نار مسيرها  بكرة هاتصفلكم   انهوا الخصام بسرعة قوام ماتشمتوش حد فيكم واخزوا بسرعة عين الشيطان ماتضحكوش الناس عليكم   ماتدخلوش حد بينكم واظبطوا لبعض الكلام واحد بيحب والف بيكرة الله يجازى ولاد الحرام   سيبوا لبعض سامحوا وعدوا خسارة النهاردة بكرة مكسب دى العشرة غالية ماتبيعوهاش واللى يسامح كريم وطيب   ماعدش باقى فى العمر باقى عشان تملوه كرة وعداوة مش هاتعيشوا اد ما عشتوا اى حاجة تخلص بهداوة   افتكروا لبعض حاجة حلوة اكيد ما ماكنش ...

  مفيش غلبان     اوعى تصدق* لو قالولك فى غلبان دحنا ف غابة* واللى فيها كلة غيلان اوعى تصدق* كلمة حلوة طالعة بس من اللسان دى القلوب لو تشوفها*شايلة السواد اطنان   مفيش ضمير سالك مضمون لف ودوران على كل لون مفيش موسي كلها فرعون وكلة قال عامل غلبان   راحت خلاص الناس الحلوة الله يرحم ايام زمان زمن الطيبة والقلب الطيب والانسان كان انسان   اوعى تصدق حد يقابلك يجرى وياخدك بالآحضان جى وناوى عشان يفحتلك خليك صاحى اوعى التعبان   مابقاش حد خلاص يستاهل والضعيف فيها يتاكل بقولها علنى وخبرنا   عاجل اوعى تدى لحد امان   الناس غريبة وبتحير ...

          اخرج من حياتى     خلاص انا جبت اخرى**وجبت نهاية صبرى              ومابقتش اتحملك انت شر الناس**مخلوق تأذى وخلاص             وبجد بكرهك   الدنيا تغور من وشك**تغور لو فيها ذيك              مؤذى لابعد  مدى مخلوق تموت ع القرش**فى الشدة ما بتتشافش              شر وكلك اذى    كلامك تافة و فاضى**ساخط على طول مش راضى                  ولا عندك احترام انسان غبى ومهوس**هاتموت على  الفلوس    ...

         الدنيا علمتنا     الدنيا علمتنا ناخدها رجولة وجد والقلب يبقى جامد مايهابش اى حد وحقنا مايرحش منا لو راحت الرقبة منا   الراجل الدوغرى حبيبنا ونشيلة فوق دماغنا والعويج يشوفلة غيرنا ويبعد عن طريقنا     كل الناس حبايبنا والقاسى يدوق مرارنا اصل احنا مش تلامذة الزمن خلانا اساتذة   على حق احنا وعدالة بالفعل مش قوالة من نظرة نقرى الدنيا ونبرمج كلة فى ثانية   محترمين من يومنا مالناش دعوة بغيرنا بس اللى يدوس خيالنا  بجد  هايزعل  منا

              كلة ورزقة     كل واحد واخد رزقة**بالتمام والكمال بس محدش عاجبة رزقة*كلة عايز مال            الكتير عايز اكتر          والقليل طمعان يكتر          وكلها عطشانة مال     الصحة اغلى م الفلوس**والغالية برضوا راحة البال مش كل حاجة يا ناس فلوس**مفيش اغلى من ستر الحال          عمر المال مايشفى مريض             واسئلوا الغنى المريض            يختار الصحة ولا المال     صاحب وفى بالدنيا بحالها**بكنوز الارض مايتقدر ...

  مدوخانى يا دنيا     مدوخانى   يا دنيا   فيكى اطلع من حفرة ترمينى فى بير مش فاكر مرة صعبت عليكى مالكيش غالى ولا ليكى كبير     بكرهك يا دنيا وبتكرهينى وجبت معاكى نهايتى واخرى مش عايز اشوفك   ولا تشوفينى عمرك ما عملتى حساب لخاطرى     اة يا دنيا كلك وجع دنيا جاحدة   كلك عجب مابقتش عايزك ولا حتى طايقك اعوزك   لية   وكلك   تعب