مفيش غلبان

 

مفيش غلبان

اوعى تصدق* لو قالولك فى غلبان

دحنا ف غابة* واللى فيها كلة غيلان

اوعى تصدق* كلمة حلوة طالعة بس من اللسان

دى القلوب لو تشوفها*شايلة السواد اطنان

مفيش ضمير سالك مضمون

لف ودوران على كل لون

مفيش موسي كلها فرعون

وكلة قال عامل غلبان

راحت خلاص الناس الحلوة

الله يرحم ايام زمان

زمن الطيبة والقلب الطيب

والانسان كان انسان

اوعى تصدق حد يقابلك

يجرى وياخدك بالآحضان

جى وناوى عشان يفحتلك

خليك صاحى اوعى التعبان

مابقاش حد خلاص يستاهل

والضعيف فيها يتاكل

بقولها علنى وخبرنا   عاجل

اوعى تدى لحد امان

الناس غريبة وبتحير

فى ثانية واحدة بتتغير

والغدر طبع كبير وصغير

والغدارين اشكال والوان

كلة على عينك يا تاجر

قلة اصل جابت الاخر

والزمن دة زمن القادر

واوعى تقوللى فى غلبان

الناس بتبص لبعض فى قوتها

تاخد هى ويموت غيرها

ومهما بتاخد مش عاجبها

اوعى تصدق مفيش غلبان