ايام وكلام أشرف صالح / شعر عامى مصرى وقصائد يومية

                    رأئ فيك                       مش هاغير رأئ فيك                 مش هاغير فكرى فيك                      يكفينى بس اقولك                   كل العبر وذيادة فيك                       فاكر نفسك حويط                    وانت...

  ماتستنوش   ماتستنوش دموع عنيا مش هاتشوفوها وماتحلموش بكسرتى مش هاتنولوها ولا استنوا شوفوا  الرجولة واتعلموها الرجولة اللى عمركم ما هاتعرفوها   لاعمرة كان عيب وحرام يميل البخت مع الايام مفيش شدة فى الدنيا دايمة هما يومين ويعدوا قوام   اللى معاة ربنا ديما كسبان لايهمة انس ولا حتى جان ياللى ماتعرفوش ربنا ولاليكم ابدا امان   الشماتة طبع اللئيم مايعرفهاش راجل سليم لكن دة طبع فى دمكم اصلكم تربية  حريم   الواطى واطى وما بيعلاش حتى سعرة كمان ببلاش دة لوعندة مال قارون بين الرجال مابيسواش   اكبر غلطة واكبر عيب ومحدش خالى من العيب عرفنا...

  محدش بيحب حد     محدش بيحب حد**بقى كلة كارة بعض واللى بتبنية بئيدك **بيهدك هو هد   اللى تقدرة يخذلك**يبيعك ويصغرك هو دة اللى ماشى**اللى بتزرعة يقلعك   واللى بيطول صباعك**على طول ياكل دراعك الطف يا رب بينا** واحمينا من عبادك   الناس اية اللى جرالهم**موالعين   فى قلوبهم سنين العشرة هانت** وباعوا حتى اللى منهم   بقى كلة قلابين**بقى كلة غدارين واللى بيغفل ثوانى **بيروح ف غمضة عين   حبايب وقت المصالح**تخلص تفضى المطارح ولا فية نخوة وشهامة**ولا حد اصلا واضح   عملين مع بعض البدع**مالين حياتكم وجع كلة بيعلى نفسة**ومستنى غيرة يقع

ا الغلابة   الغلابة تعبانين   فى  الدنيا دية شقيانين ومش لاقين  فيها حنية   كل لقمة وشربة ماية جاية بالعذاب والكد والحياة لو عايشنها صعبة ويدوب ع الاد   واللقمة مخبوزة بالمر   ومعجونة بدموع العين مليانة بالقسي والهم      مرة  بطعم  السنين من وجعهم لما يناموا بيتغطوا بدموعهم ومهما تعبوا وقالوا اة مين بس سامعهم   عشان غلابة والغلبان لازم يداس لا بيتراعى ليهم خاطر ولا احساس   زى السواقى ديما دايرة  وبتسقى  غيرهم وقلوبهم عطشانة فرحة ومليانة بس بتعبهم ناس بسيطة وطيبة  واقل حاجة تفرحهم وقلوبهم ماليانة بالخير لكن ماحد مريحهم    اة م الوجع  اة م الشقا  والحرمان اة م الهم ومن كسرة نفس الغلبان   ...

  طول عمرى     طول عمرى سخى وكريم**ومحدش كسر عنيا اللى جاملنى مرة واحدة**خد منى الرد مية   بشبع من نص لقمة**ولا ابص فى رزق حد راضي وبصون النعمة**وحياتى دوغرى وجد   راجل ماخلفشي وعدى**ولا باجي ع الضعيف على الحلال متربى**وطالع من بيت نضيف   حر وكرامتي غالية**وماقولش لحد اديني ونفسي عزيزة عليا**وابويا مالى عينى   جدع قوى وانسان **وعمرى ماكنت جبان وديما صاحب صاحبى**فى الفرح والاحزان   كلامى صدق وحق**وماقولش للخير لاء والناس كلها عرفانى**فى الواجب اسرع م البرق   اللى يأمني عمرى ما اخونوا**وبحفظ السر واصونوا اهلى واصحابى فى قلبى**لا يمكن عليا يهونوا

  انهوا الخصام   ماتقفلوش كل البيبان اللى ما بينكم وسيبوا باب يمكن يوم تانى يجمعكم كلة رايح ماتقطعوش حبال وصالكم دى لو نار مسيرها  بكرة هاتصفلكم   انهوا الخصام بسرعة قوام ماتشمتوش حد فيكم واخزوا بسرعة عين الشيطان ماتضحكوش الناس عليكم   ماتدخلوش حد بينكم واظبطوا لبعض الكلام واحد بيحب والف بيكرة الله يجازى ولاد الحرام   سيبوا لبعض سامحوا وعدوا خسارة النهاردة بكرة مكسب دى العشرة غالية ماتبيعوهاش واللى يسامح كريم وطيب   ماعدش باقى فى العمر باقى عشان تملوه كرة وعداوة مش هاتعيشوا اد ما عشتوا اى حاجة تخلص بهداوة   افتكروا لبعض حاجة حلوة اكيد ما ماكنش ...