ايام وكلام أشرف صالح / شعر عامى مصرى وقصائد يومية

  ماتسألوش عليا     ماتسألوش عليا **مايهمنيش سؤالكم مالقتش راحة ليا**غير فى البعد عنكم بيعوا وانا برضوا بايع وهجرتكم مش راجع شوفت معاكوا عذاب الدنيا كل ثانية فيها مواجع     مرار الدنيا كلة**شهد جمب مراركم وعذاب الدنيا كلة** يبكى من قسوتكم يا بشر من غير قلوب يا بشر وكلة عيوب لو صخر الدنيا عاشركم يتألم   منكم ويدوب     لو فرحت بتزعلوا**كأنى خدت الفرح منكم ولو اتجرحت بتشمتوا**ودة كلة باين ف عيونكم مالكم يا ناس ومالى سبونى حبة ف حالى كفاية اللى شوفتة منكم ايام وسنين وليالى

    قلبك بلطج     قلبك بلطج على قلبى وثبتنى بسلاح هواك هاشكيك لحكومة العشق يشوفولى حل معاك   يا ويلى من رمش العين بيدبح زى السكاكين سلطان الدلع لو شافك يتحسر على نفسة سنين   رق حبة يا حلو وروق وارحمنا من نار الشوق وانزل من برجك وتعالى ماتبصش علينا من فوق   يا مبلطج على قلبى لايمها يا مسهر عيونى ارحمها يا تعبنى وانا بعشق تعبك دى الروح عشقاك حنلها   حبيبى دة انت المحبوب ولقلبى لوحدك مطلوب بحبك ولاهاعشق غيرك يا مبلطج دنا دايب دوب

  الهموم هدتنى   كتر الهموم هدتنى واللى منى مش راحمين كلة رامى حملة عليا طب أروح م الهم فين   سيبنى فى الدنيا لوحدى وكتافى مش قادرين مش لاقى م العطف نظرة ولا نظرة حنان من عين   اللى بيبكى عيزنى اواسية والمجروح عيزنى اداوية وانا مين هايحس بيا طب اعمل يا خلق اية   اللى بشوفة كتير بجد قسوة فاقت كل حد اللى اتحملتة مش قليل لو جبل دة كان اتهد   كلة لية جى عليا ايام   وسنين والناس هو نصيب الطيب يعنى فى الزمن دة يعيش مداس   كل واحد همة نفسة عايز ياخد ومايديش لما يبقى عايزنى يشوفنى ولما اعوزة ما يشوفنيش

  ادينى فرصة     ادينى يا دنيا فرصة اثبتلك فيها نفسى واقول للحزن كفاية وكفاية كسرة نفسى   العمر بيجرى يا دنيا سنة وراها سنة ولسة الفرصة ماجتشى ولسة زى ما انا   سعيتك عمرى كلة لفيتك شرق وغرب مالقتش فيكى راحة ومفيش غير تعب القلب   ادينى يا دنيا فرصة مش حاسس انى عايش كفاية العمر بيجرى وانا بعيش ع الهامش   طول عمرى صابر بعافر وراضى بشرب المر ومهما بتعب فيكى بلاقينى محلك سر   على اد ما عشت يا دنيا ما شفتش منك رحمة اخرتها اية معاكى ماتعمليش مش سامعة   ردى عليا يا دنيا قبل ا...

  ماترجعيش   ماترجعيش وابعدى*ومش هاقولك ارجعى ياما حاولت معاكى لكن*ماعرفتيش تقدرى فرشت قلبى ليكى ورود رد قلبك بالجحود وياما حاولت اقرب بينا وانتى كنتى بتبنى سدود   مش هارخص قلبى تانى*كانت غلطة وقلبى غلطها قلبى اغلى من اغلى غالى*وكل غلطة وليها تمنها ابعدى وخدى كل ذكرى كلمة كانت او حتى فكرة ابعدى بكل الحكاية كل ذكرى معاكى مرة   اد حبي ابعدى*وانتى عارفة كان اد اية واد  شوقى ابعدى*وسيبى قلبى باللى فية   دوقى لوحدك قسوتك  وحسي بيها ف وحدتك وقلبى لو فكر يحن هاكوية بئيدى لو حن لك

  وفر كلامك   وفركلامك**برفض عتابك افضل مابينا هو السكوت مابكتش عليا وأنا لسة حى  هاتفدنى باية وأنا بموت    فى عز المى**ماكنتش جمبى وانا اللى كنت مستنيك والباب يدق **افرح واجرى ويخيب ظنى تانى   فيك   يا ما   بكيت م الوحدة بحرقة والليالى بتروح وتجينى وياما حلمت اشوفك جمبى ايدك فى ايدى وبتواسينى   لو اتكلمت هاحكى بدموعى عن الليالى   والايام وكل دمعة عذابها ليالى توصف وتغنى عن الكلام   اعمل اية انا بعتذارك لو يفيد انا كنت قبلتة ماتلومش قلبى على قسوتة ما هو كلة منك اتعلمتة