مع كل جناح حمام

 

ادينى فرصة

ادينى يا دنيا فرصة

اثبتلك فيها نفسى

واقول للحزن كفاية

وكفاية كسرة نفسى

العمر بيجرى يا دنيا

سنة وراها سنة

ولسة الفرصة ماجتشى

ولسة زى ما انا

سعيتك عمرى كلة

لفيتك شرق وغرب

مالقتش فيكى راحة

ومفيش غير تعب القلب

ادينى يا دنيا فرصة

مش حاسس انى عايش

كفاية العمر بيجرى

وانا بعيش ع الهامش

طول عمرى صابر بعافر

وراضى بشرب المر

ومهما بتعب فيكى

بلاقينى محلك سر

على اد ما عشت يا دنيا

ما شفتش منك رحمة

اخرتها اية معاكى

ماتعمليش مش سامعة

ردى عليا يا دنيا

قبل الاوان مايفوت

الناس شايفنى عايش

وانا كل يوم بموت