ايام وكلام أشرف صالح / شعر عامى مصرى وقصائد يومية

  ماتلموش الناس     ماتلموش الناس سيبوا الناس فى حالها كتر هموم الناس تعبها وحنى   عودها كلة بيتقطع على رزقة وماشي بيكلم نفسة والدنيا   اتقلت   بركتها والهم بيجى ورا بعضة     محدش عندة وقت يفكر حبة ف نفسة شغلاة الدنيا برزقة وناسى حتى نفسة اللى نفسة يشوف اخوة ولا يروح لامة وابوة لكن الدنيا تاعبة الناس والتعبان اوعوا تحسبوة     الدنيا صخر وحجارة والرزق فيها مش ساهل واللقمة فيها بمرارة   وحرمة الاهل تتقابل كلة داير فى الساقية وعيشتة فيها بالعافية الله يكون فى عون الناس تعبانة فى الدنيا وتايهة

  الفلوس     معايش فلوس ومفيش فلوس محدش يطلب منى فلوس الصبح فلوس بليل فلوس كلة عايز منى   فلوس   رايح بفلوس راجع بفلوس كل حاجة بقت بفلوس خايف اقول لحد ازيك القى الرد عليها   بفلوس   جوة البيت وبرة البيت ابقاق مفتوحة وسع الغيط وانا مش قادر واتهديت م اللى شوفتة م الفلوس   مالك يا فلوس بس ومالى خايف تكونى نسيتى عنوانى بقالك مدة   مش   فكرانى وطابور الديانة   مرصوص   اهدى يا عم الحاج وهاود ايوى ليك فلوس   وهاتاخد بس راعى ظروفى وساعد وحياتك عندى ماعندى فلوس   عمرى ما قولت مش هاديك ولا هاكل حاجة عليك ...

  الناس     طول ما انت ظاهر ع الشاشة كل الوشوش فيها بشاشة ولو مالت الدنيا عليك يقولوا راح و مالوش عازة   اللى النهاردة بيضحكلك شايفك   واقف على رجلك ولو اختفيت ولا ادريت لا يسئل فيك ويكشرلك   الناس ليها اللى قصادها عايشة بس لمصالحها اصلى الدنيا طمع ومصالح اقراها بقى وافهمها   ماتامنش للدنيا ديا ولا لحد م البشرية وماتدخلش حد حياتك سيبهم ع الابواب مرمية   مفيش راحة ويا الناس لانية صافية ولا اخلاص تتعب ليهم اد ما تتعب لاشكر تلقى ولا احساس   حال الناس عجيب غريب فى البعيد وفى القريب وكل ما اقرب منهم بلقى ...

ورث ابوك ورث ابوك مش بس فلوس فى إللى أغلى م الفلوس يكفى انة عملك راجل ودة ماتقدروش  فلوس   ورث ابوك فى تربيتك فى لقمة حلال دخلت جوفك فى نصيحة ودعوة دعهالك نور ينور فى طريقك   ورث ابوك ماضى وحاضر هايعيش معاك للاخر ابوك مش اسم فى بطاقتك دة بحر خير مالوش اخر   ورث ابوك فى عمل الخير اللى قاعدلك بعدة كتير فى سيرتة الحلوة بين الناس عند الصغير والكبير   ورث ابوك فى ذكرياتك فى كل ثانية من حياتك من طفولتك لرجولتك فى كل مكان قدامك   ورث ابوك بيبتدى من وانت لسة بتبتدى من وانت بتحبى تاتة تاتة ولحد ماعمرك ينتهى

قبل الوداع     قبل الوداع اسمعنى لاخر مرة هاتسمعنى بعترفلك بجدارتك عشان عرفت توجعنى     انت وهم فوقت منة انت عمر مر عشتة لو هاقولك حاجة عنك انت اسوء حد شوفتة     انت حقيقة للالم لكل معنى للالم انت نار من غير نور الظلم منك يتظلم     اخلاصى ليك قابلتة بغدرك وصدقى معاك عاملتة بكدبك معرفش ازاى قادر تنام ولا قادر تتحمل نفسك     انت الدموع ويا العذاب انت الوهم والسراب انت ذكرى مؤلمة ماتستحقش العتاب     انت الخيانة متجسدة وكمان اسوء من كدة لو وصفتك ...