الناس

 

الناس

طول ما انت ظاهر ع الشاشة

كل الوشوش فيها بشاشة

ولو مالت الدنيا عليك

يقولوا راح و مالوش عازة

اللى النهاردة بيضحكلك

شايفك  واقف على رجلك

ولو اختفيت ولا ادريت

لا يسئل فيك ويكشرلك

الناس ليها اللى قصادها

عايشة بس لمصالحها

اصلى الدنيا طمع ومصالح

اقراها بقى وافهمها

ماتامنش للدنيا ديا

ولا لحد م البشرية

وماتدخلش حد حياتك

سيبهم ع الابواب مرمية

مفيش راحة ويا الناس

لانية صافية ولا اخلاص

تتعب ليهم اد ما تتعب

لاشكر تلقى ولا احساس

حال الناس عجيب غريب

فى البعيد وفى القريب

وكل ما اقرب منهم بلقى

بلقى الكل مليان عيب

اللى شيلتة جوة عنيك

اول واحد دة هايرميك

ماهى خلصت مصلحتة معاك

يسئل لية تانى عليك