مع كل جناح حمام

 

صنف لئيم

ياللى انت شايل حمول غيرك

وغيرك رامى  حملة عليك

طول ماانت راضى  وساكت

ياما هايجيب ويحط  عليك

لا هايصعب علية حالك

ولا حتى  دمع  عنيك

ارمى عنك  حمول  غيرك

مفيش غيرك  هايحس  بيك

ولا تقف لغيرك فى الشمس ياخد ضلك

دة صنف لئيم وجى يدارى فيك

ارمى كلة وراك  دوسهم بكل قواك

ارميهم زى سيجارتك  وماتبصش وراك

عيش ليك ولنفسك  واختار بقى مصلحتك

حياتك دى بتاعتك   واتهنى بيها براحتك

كفاية ارتاح واتعبهم   ونام انت وسهرهم

دة محدش منهم راحم  يبقى لازم تدلوقهم

هيص واعملك زيطة والبس بدلة وبرنيطة

وفرفش يالا ونعنش  وابنى عليهم حيطة

العمر ماعدش فية  عشان تضيع فية

كلة رخيص مايساوى ثانية تفكر فية