بعدى فى الايام

بعدى فى الايام

بعدى فى الايام    واصبر واتحمل

حلوة ولا مرة    بعدى  واكمل

لو تراضينى   ولا  ترازينى

عشمان  يكون  بكرة اجمل

بعدى فى الايام   وهى مجرحانى

وادارى عنها حزنى   وهى معذبانى

وابين ضحكتى   واخبى دمعتى

وكأنى مش انا كأنى حد  تانى

بعدى فى الايام  ولا بابين ضعف

وعمر الايام ما وقفتلى  فى صف

ولا بنقهر  ولا بنكسر

ولا اشتكيت   بنص  حرف

بعدى فى  الايام  بدموعها  وقسوتها

اصلى بايعها زمان مش لسة هابعها

لا تهمنى  ولا  عمرى ابدا  هانحنى

لو  تفرح او تجرح مابقتش حاسسها