مع كل جناح حمام

 

الرزق بالنية

عمر ما كان الرزق بالقوة

دة بيجى لصاحب النية الحلوة

يعنى الرزق بالنية مش بالقوة

وبيجى للغلبان  قبل الفتوة

كلامنا واضح  لكل  الناس

ويفهمة اللى برة واللى جوة

ودى رسالة لخسيس  اعرفة

بعد ما باعنا  وكنا معاة  عزوة

انا مش باعتبة انا بفكرة بس بأصلة

وبعرفوا احنا مين ومين  هو

خاين وجبان   زى  التعبان

ولما دفيت  قرصتنى

لا طلعت اصيل ولا شيلت جميل

وفى اول بيعة  بعتنى

اصلك خبيث   تافة  ورخيص

ومالكش  سعر

عديم  الذمة    وناكر النعمة

وكلك  شر

ديما  هاتصغر  ولا يوم هاتكبر

وعذابك كلة  تفضل شايفنى

ما انا عندى اساسك من ساسك لراسك

وان كنت راجل تعالى عاتبنى

هاتكبر على مين دول هما يومين

وتروح عليك زى الطربوش

الرزق دة نية  صافية  راضية

مش زى  طبعك  حلق حوش