مع كل جناح حمام

خلى بالك م الست

خلى بالك م الست **احسن عقلك هايشت

خليك رقيق وحنيين**لا تقلب عليك تجنن

لو ترضى عليك تتزوق**تزعل منك تتروق

وطول ماتجيب هاتحبك**ماتجبش تروح عند امك

خلى بالك م الست

الست لازم تدلع**لا تلاقى عضمك متخلع

احسن ليك تسايسها**اصلك مش اد زعلها

ولو زعلت حماتك**تبقى بعت حياتك

تليفونك هى اللى ترد** وتعرفها الباسورد

خلى بالك م الست

اهدى بلاش تتهور** لاتلاقى نفسك متعور

واوعى تعمل  عنتر**دة انت يا ابنى منظر

هاتحمر عنيك وتكشر**محدوف على طول ف المنور

ارفع الراية وسلم**لا تطير من بير السلم

خلى بالك م الست

راضى ولا مش راضى**ماتروحش بئيدك فاضى

هاتبكى بدمع العين** وهاتغسل ف المواعين

راضيها لا تراذيك**وتنفض فى الشبابيك

وان دخلت فى العناد**هاتنفض فى السجاد

خلى بالك م الست

لو بتغير يا ويلك**هاتخلى نهارك ليلك

لو معوج  تعدلك**ولو معدول تعوجك

هاتمشى تكلم نفسك**تلطم وتعض فى نفسك

عاملها بذوق ورقة**لا تحرق عليك الشقة

خلى بالك م الست

اوعى تعمل فتوة** دة محدش يغلب حوا

خليك عاقل وحسيس**لاتحطك جوة ف كيس

حوا  دى مدرسة** ادارة و مؤسسة

عاملها بعقل  وحكمة**يااللى مضيت ع القايمة

خلى بالك م الست ** احسن عقلك هايشت