مع كل جناح حمام

 

مالقتش صاحب

لسة مالقتش صاحب **فى الدنيا دى يتصاحب

كلة غش ومناظر**زى رسم الحواجب

ولسة مالقتش ناس**اقول عليهم ناس

كل اللى بقابلوا واشوفوا**زى التراب يداس

ولسة ماشفتش بشر**من برة وجوة بشر

نفسى اشوف انسان**واعاملة من غير حذر

اللى ينافقك بكلمة**عشان ياكلة لقمة

عالم ملهاش ضمير**ولا ليها عهد وذمة

بقى زمن الغدارين** قلبوا كل الموازين

سلم وعد صوابعك** دول ياخدوا كحل العين

يا خسارة مفيش انسان**تحس معاة بامان

تلقاة عامل ملاك**وهو شيطان  الشيطان

اكل الحقوق يا سادة**بقى غية طبيعى وعادة

والهباش بيقولك ويقولك**البحر يحب الذيادة

يبقى فين  الصاحب**من كل دول يتصاحب

يبقى الوحدة  نعمة**وبلاها اى صاحب