نور وشك |
|
نور وشك بالضحكة |
خلى الفرح يطل |
لو عندك الف عقدة |
ليهم الف حل |
|
|
عدى الاحزان عديها |
واوعى الهموم تقابلها |
خليك فرفوش ومفرفش |
خد حظك كلة منها |
|
|
لو يوم الحزن ندالك |
اعمل نفسك مش سامع |
واللى يضايقك ضايقة |
وسيبة بنارة والع |
|
|
اضحك مايهمكشي |
لية الهموم هاتشيلها |
يا عم روق وروق |
ربك كريم يفرجها |
|
|
اضحك فك التكشيرة |
واسمع للفرح غنوة |
هاتلقى الدنيا سكر |
طعمة وجميلة وحلوة |
|
|
زعلان مهموم كدة لية |
لو همك جبل ارمية |
وارمى طاجن ستك |
شايلة على راسك لية |
|
|
خلى يا عم الهم يولى |
كتر الهم يا عم يعيي |
واضحك للدنيا تشوفها |
عروسةحلوة بطرحة تولي |