ايام وكلام أشرف صالح / شعر عامى مصرى وقصائد يومية

    لكل بداية نهاية     ولكل واحد يوم    تخلص فية الحكاية    ع المقدر والمقسوم    حياة ومخترنهاش    بالآلم  بنعشها    مفهاش حاجة بلاش   غير بس مواجعها    كل يوم بنفارق فيها    حبابيب عاشوا عمر معانا    راحو وسابولنا الدمع فيها   نبكى فراقهم واحنا  حزانا    بنعيش لاهينا  الامل   سنين وراها  سنين    ناسين نهاية الاجل   وكأننا  دايمين    ايام  خداعة كلها اوهام    بتجرى بينا  مابتهداش    بتمر قوام زى الاحلام    ولما  نصحى ما نلقهاش                                    ...

   وفروا الضحكة الصفرا    قولبكم السودا  باينة    اشتغلوا حد  غيرنا    يا تشوفوا شغلانة تانية    عارفنكم اكتر منكم    واضحين ستة على ستة    هاتروحوا فين معانا    دة انتوا فى بحرنا نقطة    ماتمثلوش الحب  علينا    كل دة مايكلش معانا    شدوا اللحاف بقى واتغطوا    دة الزمن  ياما  ورانا    بطلوا تعملوا  حبايبنا    دة انتوا هرسنا هرس    ضحكتكم ماتخلش علينا    دى ضحكة من تحت الضرس    اة يا ناس مش ناس    هم ومكتوب علينا    افاعى  ولابسة  بشر    ربنا منكوا  ينجينا    خليكوا زى ما انتوا    نار بتاكلوا فى بعضكم ...

ماتعنديش ..وماتعمليش بينا حدود ماتعنديش..كدة هانروح طريق مسدود اهدى شوية وفكرى واختارى صح وقررى انا باقى لاخر لحظة عليكى ماتهديش حلمنا  بئديكى خدى وقتك وبكل هداوة الجرح مهما كبر يتداوى ماتهديش كل الجسور سيبلنا اى طاقة نور رجايا ليكى مش ضعف منى ابدا دة خوف على حب عمرى سيبلنا طريق يمكن ينفع نمشية لو فكرنا نرجع وسيبى كلمة للايام نقولها لو خلص الكلام هاتعندى نفسك كملى بس لوحدك هاتندمى لسة الوقت بينا مارحش بس إن راح  مابيرجعش انتى حرة وليكى حق الاختيار اختارى لوحدك انتى صاحبة القرار وان كان عذابنا هايكون اختيارك بعد اختيارك مفيش اعذار

             مع كل جناح حمام    مع كل جناح حمام    ببعت الفين سلام    وشوق وحنين ياما    تجينا بالف سلامة    ولا تفارقنا حبة    ولا تاخدك منا غربة    وحياتك تيجى قوام    كفاية   غربة حرام    مع كل جناح حمام    ببعت الفين سلام    وحياة عنيك يا غالى         بنعد في الليالى        واليلة بالف ليلة      بتمر سنين طويلة      والشوق نارة قايدة     من بعدك ونار الوحدة     وحياتك تيجى قوام     دوبنا م البعد حرام ...

ارجع لربك والله بيحبك بعدت كتير وطالت غيبتك ارجع يا مهاجر للرحمن ارجع وافتح قلبك لربك يالا لحبيبك ارجع لة دة انت منة وراجع لة ارجع ابيض زى ما خلقك وقولة يارب العفو منك قولة يارب توبت وندمت وعلى الطاعة نويت وعزمت اعمل خير بكرة تلاقية هاتعمل شر هاتروح لة بية اية معاك هاتروح لة بية غير اللى انت ادرى بية ماانت عارف عملت اية وهو كان شاهد علية طهر نفسك بدمع الندم واياك تبعد خطوة قدم مالكش غيرة هاتروح فين ماانت راجع وكلنا راجعين الحق مفيش هناك اعذار ماهو يالجنة يا تبقى النار لسة الوقت معاك ماضعش وفاتح لك بابة ماتقفلش

منك يارب الخير ماهو انت رب الخير ومنك انت لوحدك مستنى يجى الخير قادر بكن فيكون كل صعب يهون عظيم يارب القدرة وكريم قوى وحنون مكروب واملى فيك وجاعل تكالى عليك انت لوحدك قادر ولا شئ يصعب عليك ماليش غنى عن خيرك واملى فيك مش غيرك مستنى الفرج منك انت المعين مش غيرك ادينى يارب الصبر قوينى زى الصخر خلى عزيمتى قوية على كل ابتلاء او امر

لايق عليك البغددة يا معجبانى يا عايق عربى ولا اوربى قوللى  كلة عليك أهو لايق حضرة صاحب الدلال حضرة صاحب الجمال خد كل الدلع ماتخلى يا جميل وجمالك دوللى يا عود ياسمين ومفرع من حقك ولازم تدلع يا طعامة معمولة عمولة كلة جمبك سنة اولى خدت الجمال دة كلة لوحدك حلو وطعم ومحدش قدك ابن بلد وكمان بشوات عايق وعابر للقارات كلمات اشرف صالح