ايام وكلام أشرف صالح / شعر عامى مصرى وقصائد يومية

 يا دافع النقم           يا رافع  البلاء  ومنزل  النعم          يا رب الفضل  والجود والكرم          ارفع عنا كل عذاب           وما  انت  بة  اعلم          انت الرافع  وانت  الخافض          وانت محيى  ومميت  الآمم          يا  معز   يا  مذل          ادفع  عنا  سوء   السقم          وامنن  علينا  بالعافية         فى الشباب  وفى الهرم ...

                                                     ملعون ابوك يا جنية       ياللى انت مغرور بمالك      ركز كدة واسمعنى    تغور انت ومالك     لو كان هايقل منى    دنا ادوس على مالك    لوكان ها يحينى    واموت عزيز النفس    ولا تنكسر   عينى    مش كل الناس بمالك    تعمل فيها ما بدالك    دة واهب النعم ربنا    ياخدها منك زى ما ادهالك    فى خلق اغلى من الدهب    لكن ماتملك   مال    كرامته...

                                               زعلانة لية     زعلانة لية    دة مش عوايدك تزعلى    زعلانة لية     احكى لحبيبك فضفضى             زعلانة لية     افتحى قلبك اشيل عنك كل الهموم     فين ابتسامتك اللى بشوفها كل يوم              زعلان لية     وحياتى عندك اتكلمى ماتسكتيش     لو ليا خاطر قوللى واحكى ماتخبيش              زعلان لية      ...

    لكل بداية نهاية     ولكل واحد يوم    تخلص فية الحكاية    ع المقدر والمقسوم    حياة ومخترنهاش    بالآلم  بنعشها    مفهاش حاجة بلاش   غير بس مواجعها    كل يوم بنفارق فيها    حبابيب عاشوا عمر معانا    راحو وسابولنا الدمع فيها   نبكى فراقهم واحنا  حزانا    بنعيش لاهينا  الامل   سنين وراها  سنين    ناسين نهاية الاجل   وكأننا  دايمين    ايام  خداعة كلها اوهام    بتجرى بينا  مابتهداش    بتمر قوام زى الاحلام    ولما  نصحى ما نلقهاش                                    ...

   وفروا الضحكة الصفرا    قولبكم السودا  باينة    اشتغلوا حد  غيرنا    يا تشوفوا شغلانة تانية    عارفنكم اكتر منكم    واضحين ستة على ستة    هاتروحوا فين معانا    دة انتوا فى بحرنا نقطة    ماتمثلوش الحب  علينا    كل دة مايكلش معانا    شدوا اللحاف بقى واتغطوا    دة الزمن  ياما  ورانا    بطلوا تعملوا  حبايبنا    دة انتوا هرسنا هرس    ضحكتكم ماتخلش علينا    دى ضحكة من تحت الضرس    اة يا ناس مش ناس    هم ومكتوب علينا    افاعى  ولابسة  بشر    ربنا منكوا  ينجينا    خليكوا زى ما انتوا    نار بتاكلوا فى بعضكم ...

ماتعنديش ..وماتعمليش بينا حدود ماتعنديش..كدة هانروح طريق مسدود اهدى شوية وفكرى واختارى صح وقررى انا باقى لاخر لحظة عليكى ماتهديش حلمنا  بئديكى خدى وقتك وبكل هداوة الجرح مهما كبر يتداوى ماتهديش كل الجسور سيبلنا اى طاقة نور رجايا ليكى مش ضعف منى ابدا دة خوف على حب عمرى سيبلنا طريق يمكن ينفع نمشية لو فكرنا نرجع وسيبى كلمة للايام نقولها لو خلص الكلام هاتعندى نفسك كملى بس لوحدك هاتندمى لسة الوقت بينا مارحش بس إن راح  مابيرجعش انتى حرة وليكى حق الاختيار اختارى لوحدك انتى صاحبة القرار وان كان عذابنا هايكون اختيارك بعد اختيارك مفيش اعذار