ايام وكلام أشرف صالح / شعر عامى مصرى وقصائد يومية

ماتصدقنيش   ابدء معاك منين وعذابى معاك سنين لو احكى عن عذابى مايكفنيش   عمرين   بحبك وبكرهك كرهاك وبعشقك عيزاك   وبرفضك واشتاقلك   واهجرك   حبيتك وكرهتك وظلمتنى  وسامحتك وقولت من  عذابى يا ريت ماكنت عرفتك    شكيت لربى منك من اللى شوفتة منك وقولت هابعد عنك لقتنى ببعد   عندك   حيرت معاك   مشاعرى وتعبت روحى   وقلبى معرفش  ان كنت بضحك ولا عارفة ان كنت ببكى   ماليت عمرى باهاتى كرهتنى فى   حياتى خلتنى اندم  وافكر  أعيد معاك  حسا...

  ابنى     ابنى سندى وضهرى روحى وابن عمرى حياة ابوة وقلبة راجل وابن راجل ماشى بيرش جمايل وديما صاحب صاحبة   عزيز النفس ديما مابيتزلش   ابدا ويجيب م السبع حقة جدع معروف برجولتة وشهم عايش   بكرامتة ومفيش اطيب من قلبة   بدعيلك من قلبى يا ابنى تفضل للخير سابقنى وتعيش مرفوع الراس ويجرى الخير فى ايدك والله يعزك   ويزيدك وينفع   بيك   الناس   يا نور عينى يا ابنى عاهدنى   تفضل فاكرنى وما تنساش   عهدنا ما تزعلش ضعيف وافتح بابك للضيف وماتنساش   ربنا  

لا بروح ولا باجى   قاعد لا بروح ولا باجى عزيز النفس غالى لا ازعل حد  منى ولا حد يقل مزاجى   قاعد مع نفسى براحتى وانا شايف كدة مصلحتى لا حد يقوللى اديتك ولا حد يجيب فى سيرتى   اصلى ماليش فى الفاسحة ورغى الناس الفاضية حافظ  قمتى  ومكانتى والزعلان  فى  داهية   قالوها زمان  يا سادة فى الاختصار دة  عبادة بلاش وجع  الدماغ فى راحة البال  سعادة   ولا عايز حد  يجينى ولا اشوف لئيم  بعينى ما انا ياما عاشرت وشوفت واللى شوفتة  مكفينى    

     على ارضك يا بلدى    فوق رملك فى سينا    حدودك شرقى وغربى    بنحرسها   بعنينا      شعبك كلة جنودك    وانتى الام   الغالية    وجودنا من وجودك    وبدمنا   محمية      على كل صعب عبرتى    مرفوعة الراس والقيمة    ولا عمرك اتهزمتى    ولا هاتشوفى هزيمة      خير وسلام يا بلدى    وحبيبة لكل حبيب    وكبيرة قوى وكريمة    على اهلك والغريب      امنك يا مصر الهى    من رب   العالمين    من حفظة ليكى قال    ادخلوها   امنين  

  اية اللى انت بتعملة       وازاى قدرت تعملة                    يا جاحد الوالدين   دة انت كنت حياتهم      ازاى بقسوة رمتهم                    فى دار مسنين       بقى دة رد الجميل       ترد الحنان بالويل                بدل ما ترضيهم   بقى دى  هى مكافئتهم        ونهاية  خدمتهم                 تعمل كدة فيهم           كنت ضعيف قوك   ...