ماتحسبونيش

 

ماتحسبونيش

ماتحسبونيش**الكل هايطلع مديونين

راح اللى راح**دفاترى منكم مليانين

لا صنتوا مرة عيش ولا ملح

ولا شوفت منكم لحظة فرح

كل ذكرى معاكوا بجرح

بلاش نقلب فى السنين

شوفتوا  اية  منى  اذاكم**انا اللى ياما شوفت منكم

سمعتوا اية زعلكم منى**انا اللى ياما  زعلت منكم

خلوا بقى الطابق مستور

شايل فى قلبى منكوا بحور

قلبى إللى عاش معاكوامكسور

ماارتحش غير فى البعد عنكم

لو اتحاسبنا**هاخد منكم حتى الهدوم

سيبونى ساكت**احسن وبالع فى الهموم

يا ما اديت ولا خدت منكم

كنت بدى عشان اسعدكم

وانتوا اديتوا سواد قلوبكم

يا ريتها مرة دة كل يوم