مع كل جناح حمام

   

عابر  سبيل

الزمن مش زمنى   ولا المكان مكانى

عابر سبيل غريب    فى دنيا  مغربانى

بتعذب  كل   يوم

واتغرب  كل   يوم

والقلب  كلة  هموم

والحيرة  مش  سيبانى

بحر  الزمن ساحبنى    قارب من غير شراع

والموج  قاسي وعفى    وفى كل موجة صراع

بصارع  موج  ورياح

وقلوب  مافيها  سماح

وجوة الجراح  جراح

وفى  الجرح  اوجاع

غريب بين البشر    لا فاهمهم  ولا  فاهمني

وكأنى فى كوكب تانى    لا عارفهم  ولا عارفني

مش زمانى    مش مكانى

مش وجودى     مش كيانى

نفسى اعيش فى زمن  تانى

زمن  لا يقسي  ولا  يعذبنى