مع كل جناح حمام

 

كلة  وأصلة

كل واحد هو وأصلة**واللى يعمل يعمل بأصلة

والايام  بكرة   تورينا

واللى يغدر خلية يغدر**واللى ينكر خيرنا ينكر

والزمن  شاهد  علينا

فى ناس لؤم التعالب**عايزة تبلع ولا تتحاسب

ومفيش  لطمعها  اخر

بتنهش  فى اللى منها**ولا حاجة بتملى عينها

وقلوبها  صخور  ومحاجر

بتاكل  عرق  الغلابة**ولا بتراعى  قرابة

ولا تعرف معنى  الرحمة

عطشانة  لدم الناس**المهم  هى  وخلاص

وهما فى الاساس مالهمش لزمة

نسيوا مين اداهم**لما ماكنش معاهم

ولا كان حد شايفهم

عاموا  مع  العايمة**فاكرين الدنيا دايمة

بكرة  الزمن  يكسرهم