مع كل جناح حمام

 

الدنيا مسرحية

الدنيا رواية مسرحية* مليانة فصول كتير ومشاهد

فيها الكومبارس والبطل* واللى واخد دور مساعد

فيها اللى عايش فى الكواليس* واللى اسمة ع الافيش

واللى اسمة مكتوب بالنور* واللى يدوب بياكل عيش

فيها اللى واخد دور الباشا* واللى ظاهر ديما ع شاشة

كل ساعة يغير بدلة* والمدارى فى اى قماشة

فيها اللى بيلعب دور الحب* ماهو تمثيل وكلة كدب

والمستنى الستارة تنزل* من كتر دورة ما فيها صعب

فيها اللى بيضحك وقلبة بيدمع* و راسم على وشة بسمة

و اللى عايش فيها متقطع* و اللى طالع من غير كلمة

فيها الضعف وفيها القوة* وفيها اللى حابب فيها دورة

وفيها الغلبان وفيها الفتوة* واللى كارة فيها دورة

كل ساعة اشكال ومناظر* ينهى طيب يبدء فاجر

دنيا وفيها اللى عيزها دايمة* و اللى عايز ليها اخر

ادوارها خلاص اتوزعت* وكل واحد مكتوب لة دور

ومفيش تغير فى اللى اتكتب* التغير بقى فى الديكور