مع كل جناح حمام

 

بياع القلوب

يا بياع القلوب**فينك من زمان

عايزين حبة قلوب**مافيهاش لف ودوران

عايزين قلوب بيضا**ويكون الخير ماليها

اصلى القلوب السودا**تعبنا كتير معاها

دور فى اللى معاك**يمكن تلقى قلب

طيب بتاع زمان**باقى من زمن الحب

هات القلوب قوام**ماعدش باقى صبر

وشوف السعر كام** مايهمش اى سعر

اوعى تقول جبرت** عايزين تانى كمان

عايزين قلوب كتيرة**لسة السوق عطشان

يا بياع القلوب **ماتخبيش حاجة علينا

مشتاقين لقلوب**ترحم وتحس بينا