زمن الشقا يابا
زمن الشقا يا با |
|
كبرت خلاص يا زمن والعمر كان كلة شقا |
ارحم شيبتى يا زمن ما بقتش قادر ع الشقا
|
من يوم ماعرفتك وانا معرفش غير الشقا |
وخايف لتكون نهايتى زى البداية شقا |
|
اللى اتحملتة زمان مابقتش قادر اتحملة |
وادينى لسة بعافر ويومى بالعافية بكملة |
|
وحمولى زى ما هى فوق كتافى شايلها |
لو صدفة قلت حبة بيجيلى اكتر منها |
|
تعبت منك يا زمن وقاسيت فوق احتمالى |
وسقتنى المر كاسات أيام وسنين وليالى |
|
سنين وداير بيا ماسبتش للهم باب |
وكل لما بتعب بتزود في العذاب |
|
مابقاش في العمر باقى ماخدتوا كلة منى |
ولسة بتشقينى ولا راحم كبر سنى |
|
كبرت وانت لسة حرمنى نظرة رحمة |
عودى معاك انحنى ومفيش م الحلو كلمة |
|
اة وطالعة بوجع م القلب واللى فية |
والقلب ياما اتوجع ولا أنت حاسس بية |
|
لا ف يوم حنيت عليا ولا شيلت من اوجاعى |
يا ساقينى الهم كلة الوان جملة وقطاعى |
|
قوللى لية يا زمن مش داري بالمجاريح |
وان قولت يوم ارحمنى بتزود التجريح |
|
لو ع العذاب اتحملة واصبر حتى ع الجراح |
الا عذاب ماتحملوش عذاب عمرى اللى راح |
|
دوس يا زمن علينا دوس ما احنا غلابة |
ماهو طبعك ديما كدة زمن الشقا يا با |
تعليقات
إرسال تعليق