مع كل جناح حمام

 

العشق الممنوع

اعشق يا قلبى ودارى عشقك

اعشق ودارى فى قلب قلبك

انت اللى عشقت  المستحيل

واخترت بئيدك انت الويل

لا فى يوم هاتطلع للقمر

ولا هو نازلك

اعشق يا قلبى ودارى عشقك

عشقك يا قلبى مش مسموح

عشقك عذاب ودموع وجروح

اخترت لية ياقلبى  الصعب

ماتقوليش  سلطان الحب

لا فى يوم  هاتطلع للقمر

ولا هو  نازلك

اعشق يا قلبى ودارى عشقك

عشقك شوك مفروش ع الجمر

واحلى ما فية  بطعم  المر

عشق لازم تبعد  عنة

عشق النجوم  اقرب منة

لا فى يوم هاتطلع للقمر

ولا هو نازلك

اعشق يا قلبى ودارى عشقك

ودع عشقك ويا الغروب

زى الشموع لازم يدوب

عشقك سراب عشقك ممنوع

لازم يهاجر  من غير رجوع

لا فى يوم هاتطلع للقمر

ولا هو نازلك

اعشق يا قلبى ودارى عشقك